الحياة والناس

اهلا بك في منتداك عزيزي الزائر
نرجو منك التسجيل او الدخول
حتي تطلع علي محتويات الموضوع بحرية تامة
وشكرا
ادارة منتدي الناس والحياة

هذا المنتدي انشأ لخدمة الناس والاجابه عن استفساراتهم فى كافه نواحى الحياه العلمية والادبية والفنية والطبية والمعيشية


    سبنا وغور قصيده لاحمد فؤاد نجم

    شاطر
    avatar
    شقاوة نونا
    الادارة
    الادارة

    انثى
    العقرب
    تاريخ التسجيل : 09/08/2010
    عدد المساهمات : 59
    نقاط : 2769
    العمر : 31
    الموقع : b7relhaneen.blogspot.com

    هام سبنا وغور قصيده لاحمد فؤاد نجم

    مُساهمة من طرف شقاوة نونا في الخميس يناير 27, 2011 7:14 pm












    برغم إن صورك فـ كل الدواير

    وكل المداخل وكل المحاور

    ومليا الشوارع على كل حيط ..

    مطنش علينا وعامل عبيط ..

    كأنك مفيش ..

    ***

    يا فرحة قلوبنا رئيسنا ظريف ..

    فُكهي ..

    إبن نكته ودمه خفيف

    فـ عهدك سيادتك فَرَشنا الرصيف

    وآخر مُنانا الغُموس والرغيف

    وكل أمَّا تُخنُق ندوَّر ..

    مفيش !!

    ***

    مسيِّب علينا عصابة حبايبك

    فضايح وسرقة ونهب بسبايبك

    مابين حزب نجلك .. وهانم جلالتك

    وجيش الغوازي إللَّي داير يجاملك

    وناملك وقاملك .. وحارسك وأمنك

    شبعنا مهانه .. شبعنا لطيش ..!

    وأنت .. مفيش !!

    ***

    باعونا فـ حضورك ..

    ببركة عِبـيدك وغالي وسرورك

    باعوا الأراضي .. وكل المصانع

    وباعوا البنوك ..

    وقدَّام عِنيك .. صوتنا إتـنبح ..

    ننادي عليك ..

    إلحق يا ريس : ده باعوا الحديد !!

    وأنت منشِّف دماغك عنيد !!

    .. كأنك مفيش !!

    ***

    دوشتوا دماغنا ” بجمال ” طلعتك

    ومن يومها وإحنا عَبـيد حضرتك

    ما تزعلش إني مواطن أبيح

    ورافض كلابك فـ شعبك تطيح

    فسادهم يا ريِّس واضح .. صريح

    قوم بينا صلّح وفتَّش .. وثور

    ح نكتب تاريخك ياريِّس بنور

    مش تبقى عايش كأنـَّك مفيش !!

    ***

    ورحمة أبوك .. مادام أنت قاعد

    عيب لمَّا عُصبة نَـوََر يسحبُوك

    م تُقبض عليهم .. م تقطع إيديهم ..

    م تعمل عليهم يا ريِّس شاويش

    بدل م انت ساكت وقاعد مفيش

    ***

    ياريس علىّ الطلاق تعبانين !!

    ياريس علىّ الحرام كفرانين !!

    صبرنا سنين ..

    سيادتك مسلطن

    وشعبك وناسك بتاكل مسرطن

    وتشرب مجاري وميت سم هاري ..

    ومش دريانين !!

    ما تنهض يا ريس تلم الديابه ؟!!

    ده شعبك غلابه ..

    ومليان طيابه ..

    وهوَّ الشفاعة ف يوم الحساب

    وهما البطانة الحُثاله الكلاب

    ما يملاش عنيهم غير التراب

    وليهم ضوافر

    وميت ألف ناب

    وواقفين لشعبك ورا كل باب

    لإمتى ح تسكت وليه الغياب ؟

    ده ياما ممالك طواها التراب

    حياتنا ياريس تعب فوق عذاب

    يا ريس ” شريفك ” ماهوَّاش شريف !!

    ” نظيفك ” يا ريس ماهوَّاش نظيف !!

    وحتى ” حبيبك ” ماهواش حبـيب !!

    وأنا غصب عني .. خلاص إستويت ..

    بـ غـُلبي إنحنيت ..

    وطلعان عنيا .. وصعبان عليا

    بحسبة بسيطة ومن غير خريطه ..

    وكونك مفيش .. لقيت متساويش

    ومش فارقه أعيش ..

    نويت أشتكيك للِّي فوقي وفوقك

    وأصلي الفرايض ..عسى يفـُك طُوقـك

    قالولي إللي يسجد عدو النظام !!

    حاولت أحكي حالي ..!!

    قالولي الحكاوي نميمة وحرام !!

    فكرت أكتب ..

    لقيتكم سيادتك منعتوا الكلام !!

    فقررت أحلم ..

    هاحلم سيادتك وأفُك اللِّجام

    ولو مش هيعجب سيادتك يا فندم

    وصِّي العساكر .. تاخُدني أمَّا انام !!

    ***

    حلمت إني شعب ..!

    حلمت إني شعب ومصلوب بطولي

    على أرض سمرا

    ودمي بينـزف ومليان جروح

    وفوق صدري جمرة

    يميني مربّط على أرض طابا

    شمالي ممسمر فـ “أولاد علي”

    ورجلي على جزع نخلة فـ “حلايب”

    ومرتاح براسي على حِجْر مصر

    وشوفتك ياريس ..كأنك ولي ..

    كأنك نبي ..

    فـ إيدك عصاية وليك معجزات

    وشايل صليبي وبتفـُكني ..

    وانا فـ جنَّه خضره .. وتحتي جداول ..

    ومن فوقي نور .. وريحة بخور ..

    همست ف ودانك بآخر وصيّة :

    إنسى إللي فاتك ..

    هننسى الأسية .. !!

    أمانه عليك ..

    حُط الوطن جُوَّه نِنِّي عينيك

    كرامة عيالنا أمانة ف إيديك

    بحق إللي بينّا يا ريِّس وبـينك

    وحَق اليَمِين و” ألكتاب ” فى يمينك

    بحق الشهيد .. إللي رافع جبينك

    وجيش إنتصارك فى يوم العبور

    وجيل حُر طالع .. وعدته بدور

    لملم عيالك .. وجمَّع فـ مالك

    وإسحب ” جمالك ” وسيبنا وغور .








    _★_★_★★ ღ التــوقــيــع ღ ★★_★_★_













    avatar
    سندريلا
    مؤسس المنتدي
    مؤسس المنتدي

    انثى
    العقرب
    تاريخ التسجيل : 06/08/2010
    عدد المساهمات : 181
    نقاط : 3006
    العمر : 29

    هام رد: سبنا وغور قصيده لاحمد فؤاد نجم

    مُساهمة من طرف سندريلا في الأربعاء فبراير 02, 2011 3:20 pm

    السلام عليكم ورحمه الله وبركاته انا اولا مع المظاهرات ومع المطالبات اللى كانت بيطالبوها فى المظاهرات بس بما ان المظاهرات دى بتدل على مظهر حضارى فماينفعش خالص نسب فى الرئيس بتاعنا ونشتمه ده برده ولى امر ولازم يحترم وعيب اوى اللى بيحصل ده لما نيجى نطلب حاجه نطلبها بادب
    مش نشتم ابونا ونسبه ادام الغريب خليهم يفرحوا فينا والله عيب اوى اللى بيحصل ده






    _★_★_★★ ღ التــوقــيــع ღ ★★_★_★_







      الوقت/التاريخ الآن هو الأحد نوفمبر 19, 2017 9:36 am