من طرف sendbad الأحد ديسمبر 05, 2010 9:20 am
بصراحة الاجابة هقسمها لشقين
الاول .. الخوف والاحراج
وده نتيجة لعدم الصدق مع البنت اللي بيحبها
وطبعا السؤال هنا اللي المفروض تسأليه .. لاي مدي هتكون قوة رد فعل البنت دي علي الشاب لان فيه اللي ممكن تشوفه وتبص بنظرة احتقار فيها نهاية اي شئ حتي العشرة
وفيه اللي ممكن تيجي وتسال ممكن تفهمني مين دي ؟
وطبعا اكيد هيصاحب مجيئها رد فعل قوي علي حسب بقي ذوق البنت
هههه
ولو سألتيه ع الموقف يقلك صعب يحصل اساسا
لكن الشق التاني هو الطمأنينة والثقة
لان الشاب اللي يدي للبنت كل المعلومات وكل ما لديه من علاقات بالناس خاصة البنات الاخريات ده لو يعرف غيرها
وبالعكس لما تشوفه معاها هطمن انه مش بيلعب بديله بدليل انها عرفاها وهو معرفها عليها
بس السؤال برضه .. هو فيه بنت تستحمل واحدة مهما كانت ان شاء الله اختها انها تقف مع اللي هي بتحبه
وده لو سألتيه هيقلك عادي .. هي عارفه ان اي بنت غيرها تبقي اختي
.. اما لو كنت انا اللي في الموقف ده
فالحب الصادق بتقويه الشائعات
ودي ممكن اي حد يختلف معايا بسهولة
انا بشوف انه لما اكون بحب بنت اوي بصدق وتيجي اشاعة انها شفتني او هي شفتني وبقت اشاعة ..من غير ما ندري بلاقي روحي انا وهيا بنخاف علي حبنا ونحافظ عليها اكتر مما كان في السابق بفعل ظهور الشائعات دي
بتقوي الحب وتجدد حنينا اليه
وعشان اوضح .. لو هيا شفتني في الموقف ده المفروض حتي لو هيا واثقة فيا اكتر مما تثق في نفسها انها تيجي تحط نفسها بيننا ده لو اللي معايا دي زميلتي او صديقتي او حتي قريبتي
وبشوف انها لو مجتش تبقي مش باقية علي الحب .. ومعندهاش كبرياء
مفيش مشاكل لو اتقمصت او زعلت .. قدامها
لكن كل المشاكل لو كانت فعلا بتشك فيا
وبتهيالي انه ده مش عيبها .. ده عيبي انا اللي مدتهاش كل حاجة تخليها في يوم زي ده يظهر ثوب الشك يغطي حبي وعواطفي
لكن اللي عايز اختم بيه .. اني لو فعلا بحب بنت جدا وبصدق تام
المفروض امنع نفسي اني اتواجد مع بنت اي بنت مهما كانت سواء كانت حبيبتي معايا او مش معايا
لاني بحس بوجودها في غيابها .. واحساسي ديما ان مراقبتها لي موجودة بشدة في غيابها اكتر من وجودها معايا
والاعظم من كده .. ان فيه حاجة مهمة اوي .. مقدرش افلت او اخونه واخون رقابته
حبي الصادق ليها