قبل أن تغرق السفينة

أخي الحبيب وأختي الفاضلة .. 5دقايق من وقتك عجبك الكلام إركب معانا, ولو معجبكش مش هتخسر حاجة.
قال تعالي"قل ياعبادي الذين أسرفوا علي أنفسهم لاتقنطوا من رحمة الله إن الله يغفر الذنوب جميعا إنه هو الغفور الرحيم"
أخي وأختي: أماجربنا كل شيء أما فعلنا كل الذنوب ألم يمهلنا الله ولم يميتنا علي ذنوبنا وكثيرا غيرنا فعلوا ذنوبنا وماتوا عليها ولم يجعلنا الله عبرة مثلهم؟
أخي وأختي: (تخيلوا معايا) لو النبي معانا في كل تصرفاتنا أيه اللي هايرضيه؟ ياتري علبة السجاير اللي في جيبك ولا الأغاني اللي في ودنك ولا الإختلاط ولاأكل الربا ولا الأفلام ولا القعدة علي القهوة ولا ياأختي شعرك ولبسك الضيق؟ لو النبي فتح دولابك ياتري يا أختي ملابسك هترضيه ؟ يا أختي لما بتنزلي شوفي كام شاب بينظر ليكي وبياخد ذنبك ويكفي أنك علي ذنب وكل هذا عليك... فما رصيدك الأن؟ قال النبي "أيما إمرأة أستعطرت فمرت بقوم ليجدوا ريحها فهي زانية" والله خايف عليكي. وأنت يا أخي لو مت علي ذنبك هتقول لربنا أيه؟ هترد بأيه لما يقولك عبدي لما جعلتني أهون الناظرين أليك ؟ أخي لوطلب منك ضابط شرطة رمي السيجارة هترميها.. ولله المثل الأعلي يأمرك وأنت لسه بتشربها ترضي تموت عليها ولا علي أغاني ولا علاقة محرمة ولاولاولا؟ ولا علي القرأن ولا الصلاة قال النبي "من عاش علي شيء مات عليه ومن مات علي شيء بعث عليه" إختار وكتر من اللي عايز تموت عليه... ياجماعة: هنعمل أيه؟ بنصوم14 ساعة بالعافية في رمضان مابالكم من صيام50ألف سنة والشمس التي تبعد عن الأرض 93مليون كم هتدنوعلي الرؤوس؟؟يا أخي ويا أختي: كل أعمالنا سوف توزن4000علبة سجاير و3000كليب و20000 أغنية ومليون شعرة كشفتيها وكل واحد عرفتيه وكل واحدة عرفتها وكل قعدة في قهوة وكل لعب قمار وكل شيشة وحشيشه وعينك وأيدك وكلامك ورجلك كل ده هتتحاسب عليه أنت تقدر علي حسابه؟ لو تقدر أعصيه. يا أختي لو بيحبك هيجيلك بيتك ويغليكي ومش هيرخصك , وأنت حبيبي في الله مترضاش لأختك تمشي مع واحد وخلي بالك كما تدين تدان أنتبهوا:"ياجماعة درجة النار 70 ضعف درجة نار الدنيا" مثال:"الحديد التي تقوم عليه الأبراج يدخل النار في الفرن يذوب مابالكم من نار الأخرة علي جسم الأنسان؟؟؟ والله أنا خايف عليكم زي نفسي: أخي فى الله ،أختي فى الله:هل يهون عليكم أن تطردوا من رحمت الله فلا تتركوا الصلاة الفرض هياخد منك 6 دقايق في5 فروض=30 دقيقة من24ساعة مستخسرين نص ساعة في ربنا(فالصلاة تغفر ذنوب اليوم) لو أتحلت مشاكلك وضمنت الجنة خلاص نام!! أوعي يجيلك قلب وتعصيه ،فالله أعطانا نعم كثيرة وحرم منها ناس كتير وبالرغم من ذلك تعصيه بها..أنتبهوا:علامات الساعة الصغري 60 علامة ظهر منها مالايقل عن50 علامة فهل أستعددنا للقاء الله؟ خايف تقابله ولا مطمن؟ مستعد النهاردة تقابله وتكلمه؟عملك يرد عليك..."أيه اللي يستاهل في الدنيا علشان تموت غلط؟" فقد سميت الدنيا دنيا لأنها دنيئة"
وقال تعالي"قل إن الموت الذي تفرون منه فإنه ملاقيكم" واقرب غائب ننتظره هو الموت
إحسبها مرة واحدة صح فحياتك وشوف أخرتها أيه؟مش كفايةعمرك إللي ضاع وأنت بعيد عن ربنا, اليوم كده كده هيمر عليك فبلاش تخليه يعدي في غير طاعة ربنا وأوعي تقول وتقولي بكرة أتوب, إخواني إحنا والله مش ضامنين عمرنا
ممكن سؤال؟؟ كم عمرك وهتعيش أد أيه؟ الإجابة: 950سنة مثل سيدنا نوح وبعد ذلك فالدنيا نعيم مؤقت وسيزول والأخرة في الجنة نعيم دائم ويقيني..

لا لليأس وأوعي تقول وتقولي أنا عملت كل حاجة وربنا مش هيغفر لي
" أخيرا مرسي السفينة"
فالله يحبك قال تعالي:"إن الله يحب التوابين ويحب المتطهرين" والله يفرح بتوبة العبد ويقبل التوبة مالم يغرغر... إخواني إن الله ينزل كل ليلة وينادي هل من تائب فأتوب عليه هل من مستغفر فأغفر له هل من سائل فأعطيه.. ألم تشتاق للقاء الله بمفردك وتدعيه يغفرلك ربنا بيناديك وعايزك وأنت مش عايز تروح له؟.. أخي أختي غير\غيري صحبة السوء (فالصاحب ساحب) إفتكري لما تجري علي حوض النبي وعطشان وقابلته هتقوله أيه؟ وعملتي عشانه أيه ونفذت من سنته أيه؟ وياتري هتشربي ولا...؟!! إخواني يالا نغير كل شئ علشان رضى ربنا، أيدي في أيدك نتوب ونتغير ونبطل سجاير ونحرق الأغاني ونبطل قهاوي وشيش وتبرج وأختلاط..وقال تعالي" إن الله لا يغير مابقوم حتي يغيروا ما بأنفسهم" لازم تغير كل حياتك عشان ربنا يغيرك كفاية خصام تعالي وأتصالح علي ربك هتقدر والله العظيم هتقدر والله هتقدر هتقدر تتغير وتكون من أسبق الخلق لله حتي لو متعرفش سكته بس أنت تعالي وجرب ووالله مع ربنا عمرك مهتخسر.. ومن ترك شيء لله عوضه الله خيرا منه بس أنت سيب وشوف ربنا هيعمل معاك أيه
ياجماعة ركعتين توبة نستغفرربنا فيهم وإن شاء الله ربنا يغفرلنا كل ذنوبنا ويحللنا كل مشاكلنا ويبدل كل السيئات حسنات
وتذكروا أنكم دخلتم الدنيا بغير رضاكم وستخرجون منها بغير رضاكم والجنة أو النار هى إللى برضاكم..
وأنت يا ملتزم لازم تفوق وتدعو إلي الله وأختي يا منتقبة إثبتي وإعلمي إنك مع نساء النبي في الجنة ويكفيكي شرفا

سبحانك اللهم وبحمدك أشهد أن لاإله إلا أنت أستغفرك وأتوب أليك